Стандарт, хэмжил зүйн газраас цаг үеийн асуудлаар мэдээлэл өглөө. 

Хэмжил зүйн бодлогын газрын дарга Д.Нарангэрэл

Улаанбаатар хотод үйл ажиллагаа явуулж байгаа нефтийн бүтээгдэхүүн болон шингэрүүлсэн шатдаг хийг түгээх станцын түгээгүүрийн шингэний тоолууруудад хэмжил зүйн хяналт шалгалт, улсын баталгаажуулалтыг СХЗГ-ын ХХШБГ-ын /Хэмжих хэрэгсэл шалгалт баталгаажуулалтын газар/ даргын баталсан удирдамжийн дагуу жилдээ хоёр удаа хийдэг. 

2023 оны намрын ээлжит баталгаажуулалтаар нийт нефтийн бүтээгдэхүүн түгээх 20 аж ахуйн нэгж байгууллагын 247 ШТС-ын 2031 түгээгүүрийн хошуу, шингэрүүлсэн шатдаг хийн түгээх үйл ажиллагаа явуулж буй 10 аж ахуйн нэгж байгууллагын 66 хий түгээх станцын түгээгүүрийн түгээлт, баталгаажуулалтын байдалд Хэмжил зүйн тухай хууль тогтоомж, хэмжих хэрэгслийн шалгалт баталгаажуулалтын журамд заасны дагуу хяналт шалгалт хийж холбогдох хууль тогтоомжийг сурталчлахаар төлөвлөн ажиллаж байна.