Өнөөдөр өглөөнөөс эхлэн Налайхын төмрийн үйлдвэрт газ дэлбэрснээс үүдэн хорт хий үнэртэж байгаа тул цонхоо онгойлгохгүй байх сэрэмжлүүлэг нийгмийн сүлжээнд тархсан. 

Холбогдох албаны хүмүүсээс энэ талаар тодруулахад "Иргэдээс ирсэн мэдээллийн мөрөөр тодруулахаар ажиллаж байна" гэлээ.  Харин ОБЕГ-аас  "Манайд ямар нэгэн үйлдвэрийн осол, дэлбэрэлтийн талаарх дуудлага одоогоор ирээгүй байна" гэсэн тайлбар өглөө. 

Тэгвэл яг одоо нийслэлд агаарын чанар ямар байгаа талаарх AGAAR.mny сайтын мэдээллийг хүргэе. Өглөөний 08.15 цагийн байдлаар  Баруун 4 зам, Яармаг, Хайлааст, Таван буудал орчимд агаар бага бохирдолтой байгаа бол бусад хэсгүүдэд агаарын чанар цэвэр, хэвийн гэсэн үзүүлэлттэй байна. 

Дэлгэрэнгүйг энд дарж үзнэ үү