БОАЖЯ-наас “Петрочайна Дачин тамсаг” ХХК-д хийсэн хяналт, шалгалтын ажиллагааны талаар мэдээллээ.

БОАЖЯ-ны салбарын хяналтын газрын дарга Б.Мөнхтогтох

Дорнод аймгийн байгаль орчны аялал жуулчлалын газраас 2023 оны тавдугаар сард хийсэн хяналт шалгалтаар иргэдийн гаргасан гомдлын дагуу ажилласан. Тухайлбал, "Газрын тосоор бохирдсон их хэмжээний шороогоор хөрс бохирдуулж байна" гэх асуудалд ажлын хэсгийн хүрээнд хашаажуулж, харуул хамгаалалтыг сайжруулж, холбогдох арга хэмжээ авчээ. 

Мөн энэ оны долоодугаар сард төлөвлөгөөт бус хяналт шалгалт хийхэд Петрочайна дачин Тамсагбулаг ХХК нөхөн сэргээлтийн ажлыг стандартын дагуу хийгээгүй байсан. Иймд зөрчлийн тухай хуулийн тусгай ангийн холбогдох заалтыг үндэслэн торгууль шийтгэлийн арга хэмжээ ногдуулсан. 

Мөн БОАЖЯ-ны ажлын хэсэг Дорнод аймгийн Матад суман дахь "Петрочайна Дачин Тамсаг" ХХК-ийн 19 дүгээр талбайд 2022 оны долдугаар сарын 4-8-ны өдрүүдэд ажилласан. Энэ үеэр хугацаа нь дууссан 32 нэр төрлийн 592 тонн орчим устгах шаардлагатай химийн бодис хадгалагдаж байсныг устгалд оруулсан. 

"Петрочайна Дачин Тамсаг" ХХК ус ашигласны төлбөртэй холбогдуулан 2021 онд 1 тэрбэм 881, 2022 онд 1 тэрбэм 484, 2023 онд 286 сая 276 мянган төгрөгийг орон нутгийн төсөвт төвлөрүүлсэн хэдий ч ус ашиглагчийн үүргээ биелүүлэлгүй эрх бүхий байгууллагаас олгосон зөвшөөрөлгүй ус ашигласан зөрчил илэрсэн. Уг зөрчилд 5000 нэгжээр торгох шийтгэл өгсөн. 

Петрочайна дачин Тамсагбулаг ХХК (Дорнод) – 2.1 сая м³ ус хэрэглэжээ.

Түүнчлэн химийн бодистой харьцах мэргэжлийн ажилтангүй, химийн бодисыг зориулалтын байр талбайд явуулаагүй нь илэрсэн гэх мэдээллийг өглөө.