ГБХЗХГ-аас хүүхэд хамгааллын асуудлаар мэдээлэл хийлээ. 

Гэр бүл хүүхэд залуучуудын газрын даргын түр орлон гүйцэтгэгч Н.Өлзийхутаг

Монгол Улс хүүхдийн эрхийн тухай хууль, Хүүхэд хамгааллын тухай хууль гэх том хоёр хуулийг 2017 оноос хэрэгжүүлж эхэлсэн. Ингэснээр хүүхэд хамгааллын эрх зүйн орчин үндсэндээ бүрдсэн. Гол хуулиудаас гадна 50 гаруй дүрэм журам 10 гаруй стандарт байдаг. Энэ бүх стандартыг хангах хүрээнд төрийн байгууллагын зүгээс шаардлагатай арга хэмжээнүүдийг хэрэгжүүлж ажилладаг.

Харамсалтай нь сүүлийн хэдэн жил болон сүүлийн хэдэн сард томчуудын хариуцлагагүй байдлаас болж хүүхэд эндэж байгаа осол их гарч байгаа нь үнэхээр харамсалтай. Сүүлийн үед гарч буй эдгээр асуудалд эцэг, эхчүүдийн хариуцлагагүй байдал хамгийн том асуудал болж байна. 

108 утсанд өдөрт 400-500 дуудлага ирдэг. Энэхүү дуудлагийн 70 орчим хувь нь хүүхэд үл хайхрах хүчирхийлэлд өртөж байгаатай холбоотой гэж үзэж байна. 

Хүүхдийн тусламжийн 108 утас 24 цагаар ажиллаж, хүүхдийн эсрэг хүчирхийллийн дуудлага мэдээллийг тогтмол авахаас гадна яаралтай тусламжийг үзүүлдэг. Мөн  хүүхэд хамгааллын хариу үйлчилгээ үзүүлэх төвийг ажиллуулж байна.

Түр хамгаалах байр, нэг цэгийн үйлчилгээ аймаг, нийслэл, дүүргүүдэд нийтдээ 34 төв ажиллаж байна.

Мөн хүүхэд хамгааллын 108 утсанд есдүгээр сар гарснаар сургуулийн орчны дээрэлхэлтэд өртсөн хүүхдийн дуудлага өнгөрсөн сараас 2-3 дахин өссөн үзүүлэлттэй байна. Хоногт дунджаар үл хайхрах хүчихийлэлд өртсөн 7-8 хүүхдийг түр хамгаалах байранд шилжүүлэн ажиллаж байна. Үүнээс хархад багш, эцэг, эхчүүл бага насны хүүхэддээ тавих анхаарал сул байгааг илтгэж байна. Иймд эцэг эх, асран хамгаалагчдыг дор бүрнээ хариуцлагатай байхыг хүсэж байна" гэлээ.