Засгийн газрын өнөөдрийн хуралдаанаас гаргасан шийдвэрийн талаар салбарын сайд нар мэдээлэл хийж байна. 

Мэдээллийн эхэнд ЦХХ-ын сайд Н.Учрал "  Энэ сард Эстонийн Таллин хотод зохион байгуулагдаж буй “Нээлттэй засгийн түншлэл” дээд хэмжээний 8-р уулзалтаас Монгол улсын цахим засаглал, нээлттэй ил тод байдлыг үнэлэн дээд хэмжээний уулзалтын үеэр ЦХХХЯ, И-Монгол академи “Нээлттэй засгийн хүндэт өргөмжлөл” хүртээсэн. “Нээлттэй Засгийн Түншлэл” (OGP) байгууллага нь хоёр тэрбум гаруй хүн амыг төлөөлдөг 75 улс, 104 орон нутгийн засаг захиргаа, олон мянган иргэний нийгмийн байгууллагуудыг хамардаг. 

Цаашид Эстонид 10 тэрбум долларын орлогыг бүрдүүлсэн и-ресидинси хөтөлбөрийг Монгол Улсад нутагшуулах зөвлөх үйлчилгээний гэрээ байгууллаа. Энэ хөтөлбөр хэрэгжсэнээр дэлхийн аль улс орноос цахимаар компани бүртгүүлээд үйл ажиллагаа явуулж болох хууль эрх зүйн болон технологийн хүрээнд шийдвэрлэхээр ажиллаж байна. Мэдээллийн технологийн үйлдвэрлэлийг дэмжих тухай хуулийг УИХ-д өргөн мэдүүлнэ" гэлээ.