Бохирын шугамын холболт хийж байсан хоёр шороонд дарагдсан тухай дуудлага мэдээлэл нийслэлийн Онцгой байдлын албанд ирсэн байна. 

Тодруулбал,  Хан-уул дүүрэг 21-р хороо Эх нярай эмэгтэйчүүдийн үндэсний төв 2-ийн баруун талд байрлах хотхоны бохирын шугам холболт хийж байгаад иргэд шороонд дарагдсан байна. Онцгой байдлын  Аврах ангийн бүлэг дуудлагаар очиход “Жаргалант .....” ХХК-ны ажилчид шугам холболтын ажил хийгдэж байх явцад хөрсний нуралт үүсч, нэг иргэн нүхэнд дарагдаж 26 настай иргэн нас барсан байсан тул цогцсыг гаргаж Цагдаагийн байгууллагад хүлээлгэн өгчээ.

Иймд иргэд болон аж ахуйн нэгж байгууллагууд газар шорооны болон барилгын ажил эрхлэхдээ хөдөлмөр хамгаалал аюулгүй байдлын дүрмийг чанд мөрдөж, эрдэнэт хүний амь нас эрсэдэхээс урьдчилан сэргийлж ажиллахыг нийслэлийн Онцгой байдлын газраас онцгойлон анхааруулж байна.