БОАЖЯ-наас цаг үеийн асуудлаар мэдээлэл өглөө. 

БОАЖЯ-ны Салбарын хяналтын дарга Б.Мөнхтогтох салбарын хяналт ба тодруулбал Архангайн Цэнхэрийн рашаанд хийсэн хяналт, шалгалтын талаар мэдээлэл өглөө. 

Наймдугаар сард салбарын хэмжээнд 160 өргөдөл гомдлыг хүлээж авсан. Үүнээс бид 126 өргөдөл гомдлыг хуулийн хугацаанд шийдвэрлэж ажилласан байна. 23 өргөдөл гомдол шийдвэрлэлтийн шатанд явж байна. Мөн 80 өргөдөл гомдлыг хялбаршуулсан журмаар шийдвэрлээд 23 гомдол зөрчлийн хэрэг нээж, шийдвэрлэж байна. 

Зөрчил шалган шийдвэрлэх ажиллагааны хүрээнд нийт 89 иргэн ААН-д 118 сая, 450 сая төгрөгийн торгууль шийтгэл ногдож байгаа юм. Мөн 61 иргэн ААН-д 799 сая 832 мянган төгрөгийн нөхөн төлбөр оногдуулсан байна. Тухайлбал Дорноговь аймгийн БОАЖ газраас Тавантолгой, Ханги, Хилийн боомт хүртэлх автозамын гүйцэтгэх дөрвөн ААН-д хяналт шалгалт хийсэн. Шалгалтаар ус ашиглахтай холбоотой зөрчил илэрч 719 сая төгрөгийн нөхөн төлбөр ногдуулсан байна. 

Иргэд ААН-с ирж байгаа хүсэлт, гомдол саналууд өмнөх сараас 40 хувиар өссөн үзүүлэлттэй байна. 

Архангай аймгийн Цэнхэр сумын Алтан овоо багийн нутагт амралт, аялал жуулчлалын чиглэлээр үйл ажиллагаа явуулж байгаа байгууллага ААН-д хяналт шалгалт хийж ажиллаа. 

Цэнхэрийн халуун рашааны нөөцийг тогтоогоогүй байхад амралт, аялал жуулчлалд рашааны үйлчилгээнд ашигласан. Хаягдал усны дүгнэлт зөвшөөрөлгүй ус рашаан ашиглах цэгт усны тоолуур байрлуулаагүй. Рашааны эрүүл ахуйн болон хязгаарлалтын бүсийг тогтоогоогүй. Эрүүл ахуйн бүсийг хашаажуулж, хамгаалалтын бүсийг тэмдэглэжүүлээгүй. Халуун усын голын онцгой хамгаалалтын бүсэд газар олголт хийсэн барилга байгууламж барьсан зэрэг зөрчлүүд илэрсэн. Иймд хяналт шалгалтын хүрээнд 5 ААН байгууллагуудад зөрчлийн тухай хуулийн 7.15 зүйлийн 1.4-т заасныг үндэслэн Архангай аймгийн БОАЖ газраас зөрчлийн хэрэг үүсгэн, хяналт шалгалтыг явуулж байна" гэв.