Хичээл эхлэхтэй холбогдуулан НБГ, ТЦА, ТПГ, ЦЕГ-ын Гэр бүлийн хүчирхийлэл хүүхдийн эсрэг гэмт хэрэгтэй тэмцэх хэлтсээс хүүхдийг зам тээврийн ослоос урьдчилан сэргийлэх чиглэлд мэдээлэл өглөө. 

Цагдаагийн ерөнхий газрын гэр бүл хүчирхийллийн эсрэг гэмт хэрэгтэй тэмцэх хэлтсийн ахлах цагдаагийн дэд хурандаа Г.Золжаргал 

Цагдаагийн байгууллагаас энэ жил хичээлийн шинэ жил эхлэхтэй холбогдуулаад "Хичээл эхэлээ" арга хэмжээг наймдугаар сарын 25-наас есдүгээр сарын 15-ны өдрийг хүртэл зохион байгуулж байна. 

Одоогоор 1322 чиглэлд 4032 албан хаагчийг ажиллуулахаар хүн хүчний тооцоог гаргачихсан байна. Мөн хүүхдүүдийг гэмт хэргээс урьдчилан сэргийлэх чиглэлээр хүүхэд хамгаалагч гэх төслийг хэрэгжүүлэн ажиллаж байгаа. Цаашлаад улсын хэмжээнд 538 сургууль дээр хүүхдийг хүүхдээр нь хүмүүжүүлэх өсвөрийн сэргийлэгч бүлгэмийг тус тус ажиллуулж байна. 

Иргэдийн хөл хөдөлгөөн ихэссэнтэй холбогдуулаад худалдаа үйлчилгээний газруудад эргүүл, хяналт шалгалтын ажлыг зохион байгуулж байна. 

2022 оны есдүгээр сард зам тээврийн осолд 86 хүүхэд өртсөн байна. Үүний 6 нь орон нутгийн замд зорчигч хэлбэрээр явж байжээ. Харин энэ оны эхний долоон сарын байдлаар хүүхэд өртсөн 425 осол бүртгэгдсэн байна. Сүүлийн таван жилд 284 хүүхэд зам тээврийн ослоор амиа алдсан. Иймд хичээл сургууль эхлэх гэж байгаатай холбоотой эцэг эхчүүдийн анхааралд хүүхдүүдээ өөрийн биеэр сургуульд нь хүргэж өгөх эсвэл насанд хүрсэн том хүнээр заавал хүргэж өгч, авч байхыг анхааруулж байна" гэсэн юм.