Нийслэлийн удирдлагууд хараагүй иргэнийг бэрхшээлийнх нь байдлаар доромжилсонтой холбоотой асуудлаар "Монголын хараагүйчүүдийн үндэсний холбоо"-ноос мэдээлэл өглөө. 

Монголын Хараагүйчүүдийн Үндэсний Холбооны ерөнхийлөгч Б.Ганзориг

Өнөөдөр нийслэлийн засаг даргын орлогч З.Төмөртөөмөө дарга хараа хүмүүс бидэнтэй зүй бусаар харьцсан. "Уран ган"-ы дэргэд Монголын хараагүйчүүдийн үндэсний холбооны байр байдаг. Тэр хавийн орчин ялангуяа зун шавар шавхай ихтэй, хараагүй иргэд зорчиход  маш их хэцүү байдаг.

Уг асуудлаар 2023 оны тавдугаар сарын сүүлээр З.Төмөртөөмөө дарга холбогдох хэлтсийн хүмүүстэй биечлэн танилцаж Азийн банкны санхүүжилтээр "Цэвэр агаар сан" төслийн хүрээнд тохижилт хийлгэхээр болсон. 

Бид зургаадугаар сарын ихээр зураг төслөө дахин гаргуулж хот байгуулалт хөгжлийн газарт зургаа өгсөн. Ингээд зохих бүх шат дарааллын дагуу явсаар энэ долдугаар сарын сүүлээр буюу сарын дараа эцэслэн батлуулж чадсан. 

"Цэвэр агаар" сангаас санхүүжилтээ хүсэхэд хугацаа өнгөрсөн, одоо өгөх боломжгүй гэсэн. Тохижилтоо сайжруулах итгэл үнэмшилтэй байсан бидний хувьд урам хугарч, итгэл алдрав. З.Төмөртөмөө даргад хандахад зураг төслөө удаасан тул боломжгүй болсон гэсэн. 

Гэтэл твиттерт З.Төмөртөөмөө дарга хараагүйчүүдийг хуурсан гэх мэдээлэл гарахад тэр над руу залган "За Б.Ганзориг оо чи аятайхан байгаарай" гэсэн. Би хариуд нь Бид ажил эхлүүлээд явсны хувьд цаг гаргаж, нүүр нүүрээ хараад ярилцаж болох уу гэж асуухад "Чи хүний нүүр харах уу" гэж доромжилж, даапаалсанд гомдолтой байна. Энэ бол төрийн албан тушаалтны амнаас гарамгүй хандлага байсан.

Үүнд бид төрийн албан тушаалтан иргэдийг ялгаварлан гадуурхсан гэж үзсэн тул Монголын хараагүйчүүдийн холбооноос Нийслэлийн Засаг даргын орлогч З.Төмөртөөмөөг огцруулж, хэлсэн үгэндээ олон нийтийн өмнө уучлалт гуйх, Монголын хараагүйчүүдийн үндэсний холбооны байрны гаднах тохижилтыг хийх, 2023 оны тавдугаар сард амласан, хараагүйчүүдийн төлөөллийг хүлээн авч уулзах зэрэг  шаардлагыг хүргүүлж байна" гэв.