Авлигал хорооллыг нураах захирамж гарсантай холбогдуулан "Эм Энд Жи констракшн"-ийн удирдлагууд мэдээлэл хийлээ. 

"Aqua Garden" хотхоны захирал А.Амарбаясгалан

Эм Энд Жи констракшн анх 2007 оноос Монгол Улсын Засгийн газрын хөтөлбөрийн хүрээнд 40 мянган айлын барилга барьж өгөөч ээ гэсэн саналыг анх манайд тавьж байсан. 

Дүүргийн ИТХ-ын төлөөлөгчид хуралдаад  Эм Энд Жи констракшн засгийн газрын 40 мянган айлын орон сууцны хөтөлбөрийг хэрэгжүүлэх хүрээнд орон сууцны зорирулалттай энэхүү газрыг олгох шийдвэр гаргаж хамгийн анхны захирамж гаргаж байсан . Энэ бол анхнаасаа усан парк барих зориулалттай газар олголт биү гэдгийг хэлмээр байна.

Манай барилгыг нураана гэх шийдвэрт эрх зүйн орчин байхгүй. Учир нь 2008 онд Хан-Уул дүүргийн засаг даргын захирамж гарч, Засгийн газрын 40 мянган айлын орон сууцжуулах хөтөлбөрийн хүрээнд 11,8 га газрын зөвшөөрлийг олгосон. Үүнээс хойших бүх бичиг баримт нь хууль ёсны дагуу явагдаж ирсэн. Мөн одоо баригдаж буй 24 давхар, дөрвөн блокийг нураах туршлага байхгүй. Ардчилсан Монгол Улсад амьдарч байгаа учраас шууд нураачихгүй байх. Түүнчлэн байр захиалсан 500 айл түүний цаана 1500 хүний эрх ашиг яригдаж байна.  

Үүнээс хойш 2011 онд уг газрын гэрчилгээг цуцалсан байгаа юм. Тухайн үед манай компани "Үндэсний алтан өргөө" барилгын зураг төслөө гаргачихсан бүх зүйл бэлэн болчихсон ажил эхлэхэд бэлэн болчихсон байж байсан. 

 2012 оны оны нийслэлийн төсөв батлах тухай НИТХ-ын тогтоол, нийслэлийн Засаг даргын 2012 оны арваннэгдүгээр сарын 22-ны А/702 захирамжаар Сэлбэ болон Дунд голын эргийн 2,6 км-т үеийн далан барьсан. Ард иргэдийг үер усны аюулаас хамгаалах, гамшгаас хамгаалах ажлын хүрээнд энэ далан 10-аад жилийн өмнө баригдчихсан. Тэгэхээр онцгой хамгаалалтын бүсийн журам, Усны тухай хуулиар хориглогдох үйл ажиллагаанд манай компанийн төсөл орохгүй гэдгийг хариуцлагатайгаар хэлье.

2020 онд манай компанийг Усны тухай хууль зөрчиж байна гэж Нийслэлийн Засаг даргын захирамжаар газар эзэмших эрхийг цуцалсан юм. Бид шүүхэд хандаж, 2021 оны гуравдугаар сарын 3-ны өдөр нийслэлийн Захиргааны хэргийн шүүхийн шийдвэр эцэслэгдэж гарсан. Уг шийдвэрт, Усны тухай хууль болон холбогдох сайд нарын баталсан дээрх журмын талаар маш тодорхой дурдсан.  Ингээд маргаан бүхий газарт үйлчлэхээр байна гээд шүүхээс дүгнэсэн. Манайхыг Усны тухай хууль, холбогдох журмыг зөрчөөгүй гэж үзсэн учраас газар эзэмших эрхийг сэргээсэн.

Яг одоогийн байдлаар барилгын дөрвөн блокийн төсөв 115 тэрбум төгрөгийн зардалтай байна. Усан паркийн төслийг хэрэгжүүлэхийн тулд гадаад, дотоодын судлаачдаар судлуулж 15 тэрбум төгрөгийн хөрөнгө оруулалт хийгдчихсэн байна. Нураалаа гэхэд 100 гаруй тэрбумын төсвөөр нураана. Улсын мөнгө уйлдаггүй гэгчээр  татвар төлөгчдийн мөнгө шүү дээ" гэв.