Улсын чанартай А0303 дугаартай Баянхонгор-Алтай чиглэлийн авто замын зорчих хэсгийн 189 км Нарийн гүүрийн хөдөлгөөнийг хаажээ.

Тус гүүрийн хоёр талын чулуун бэхэлгээ эвдэрч, хөвөө хучилтын ирмэгт тулж урсснаас болж авто замын зорчих хэсэг нурж нарийссан байна. Үүнээс үүдэн Баянхонгор талаас суудлын 30 авто машин, 3 автобус, 1 ачааны авто машин боогдсон байна. Гурван автобусанд 104 зорчигч, жижиг тэргэнд ойролцоогоор 80 хүн байгаа аж. 

Аймгийн онцгой комисс болон цагдаагийн байгууллага газар дээр нь ажиллаж байна.