Иргэн О.Энхмаа төв цэвэрлэх байгууламж, түлэнхийн төвийн асуудлаар мэдээлэл хийлээ. 

Ерөнхий прокурор Жаргалсайханд 2022 оны долоодугаар сараас эхлээд дөрвөн удаа шаардлага хүргүүлсэн. Улсын ерөнхий прокуророос хоёр удаа хариу ирж, нийслэлийн прокуророос гурван удаа хариу ирсэн. 

Иргэн О.Энхмаа 

АТГ 18 гомдол гаргасны 12 хэрэг үүсгээд 5 хэргийг нийслэлийн прокуророос хаасан асуудлаар улсын ерөнхий прокурор Б.Жаргалсайханд удаа дараа шаардлага хүргүүлээд монгол улсын нийт ард иргэдийн эрүүл мэндээ хамгаалуулах эмнэлгээр үйлчлүүлэх эрх зөрчигдөж, эмнэлгийн газар дээр 12 давхар орон сууц баригдсан асуудлаар АТГ-аар 200200446 дугаартай хэрэг үүсгүүлснийг нийслэлийн прокуророос СБД-ийн захиргааны шүүх рүү шилжүүлж өгөхийг шаардсан байгаа. 

Цэвэрлэх байгууламжийг ашиглалтад оруулах зорилгоор нэг их наядын санхүүжилтийг БНХАУ-аас авч байсан. Энэ ажил хэдэн хувийн биелэлттэй байгааг шалгуулахаар 2020 оны есдүгээр сарын 24-нд АТГ-т гомдол гаргасан. Улмаар хэрэг бүртгэлийн хэрэг үүсгэсэн ч Нийслэлийн Прокурорын Ерөнхий Газар (НПЕГ)-аас хэргийг хаасан байдаг. Санхүүжилтээ 100 хувь авсан хэр нь одоогоор 30-35 хувьтай л байна. 

Ард иргэд эрүүл аюулгүй орчинд амьдрах, эрүүл мэндээ хамгаалуулах эрхтэй. Гэвч өнөөдөр Улаанбаатар хотын дөрвөн зүг, найман зовхист цэвэрлэх байгууламжийн өмхий, лаг үнэртсээр байгаа. Эмч хүний хувьд хэлэхэд, энэ нь ард түмний эрүүл мэндэд ноцтой хохирол учруулж, цаашилбал өвчин эмгэгийн гол үндэс болж байгааг үгүйсгэхгүй. 

Монгол улсын нийт ард иргэдийн эрүүл мэндээ хамгаалуулах эмнэлгээр үйлчлүүлэх эрх зөрчигдөж, эмнэлгийн газар дээр 12 давхар орон сууц өнөөдөр ашиглалтад орж байна. АТГ-аас хэрэг үүсгээд 200200446 дугаартай хэргийг яагаад улсын ерөнхий прокурор эрх мэдлийнхээ дагуу үүрэг чиглэл өгч шүүхэд шилжүүлж өгөхгүй байна вэ гэх асуудлаар удаа дараа шаардаж, уг асуудал дээр улсын ерөнхий прокурор Б.Жаргалсайханд арга хэмжээ ав, үгүй бол огцруулах хүртэл нь тэмцэх болно" гэв.