ДЭМБ-ын Номхон далайн баруун бүсийн Дата стратеги, инновацын төвөөс, Монголын эрт илрүүлгийн үйл явцыг судалж, үнэлгээ дүгнэлт, хийсэн талаар мэдээллээ. 

ДЭМБ-ын номхон далайн баруун бүсийн Дата стратеги, инновацын захирал Пак Ки Дон 

ДЭМБ-ын номхон далайн баруун бүсийн Дата стратеги, инновацын баг эрт илрүүлгийн арга хэмжээгээр цуглуулж байгаа бүх өгөгдлийг холбогдох байгууллагуудын хооронд цахим хэлбэрээр үр дүнтэй солилцож, үнэлгээ дүгнэлт хийлээ. 

Бид дүн шинжилгээ хийснээрээ өгөгдөлд нотолсон судалгааг бий болгож, энэ нотолгоогоо цаашид бодлогын шийдвэр гаргахад ашиглах боломжтой хэмээн харж байна. 

Зөвхөн эрт илрүүлгийн хэмжээнд цуглуулаад ашиглаад байх юм бол бүрэн гүйцэд ашиглах боломжгүй учраас эдгээр өгөгдлийг өргөжүүлэх хэрэгтэй гэж үзэж байна. Өөрөөр хэлбэл дүн шинжилгээ хийхдээ иргэний бүртгэл, нийгэм эдийн засгийн үзүүлэлтүүд түүнчлэн тухайн өвчтөний өмнө нь өвдөж байсан мэдээлэл хүрээлэн буй орчин цаг агаарын мэдээлэлтэй холбоотойгоор дүн шинжилгээ хийх юм бол бид илүү нарийвчилсан дүгнэлт гаргах боломжтой. 

Энэ үйл ажиллагааг хэрэгжүүлэхийн тулд дата өгөгдлийн дүн шинжилгээг шинжлэх ухааны эрдэм шинжилгээний үйл ажиллагаатай холбох, үүнд тогтвортой байдлаар санхүүжилт олгох хэрэгтэй. 

Эрүүл мэндийн тогтолцоог бэхжүүлэхийн тулд үндэсний эрт илрүүлгийн арга хэмжээний үеэр цуглуулж байгаа аливаа өгөгдлийг эрүүл мэндийн мэдээллийн тогтолцоонд нэгтгэх шаардлага гэж харж байна. 

Эрт илрүүлгийн үеэр илрүүлж байгаа ихэнх халдварт бус өвчин гипертинс болон чихрийн шижинг анхан шатны тусламж байгууллага дээр эмчлэх болон хяналтанд авах шаардлагатай байдаг. Одоогийн байдлаар сум болон өрхийн эрүүл мэндийн төвөөс цуглуулж байгаа эрт илрүүлгийн өгөгдлийг нэг талын урсгалтайгаар тайлагнаж мэдээлж байгаа боловч эрт илрүүлгийн мэдээлэл тухайн сум болон өрхийн эрүүл мэндийн төвд харьяалагдаж байгаа хүмүүсийн дунд ямар дүн шинжилгээ гарсан эсэх тал дээр эргэх холбоо дутагдалтай байна. Тиймээс эдгээр сорилтыг даван туулахын тулд мэдээллийн тогтолцоог цаашид шинжлэх шаардлагатай. Ялангуяа тухайн иргэнийг хяналтдаа авсан байгаа анхан шатны үйлчилгээний байгууллагын эмч нарт харьяалагдах хүн амын мэдээлэл өгөгдлийг танилцуулах нь зүйтэй гэж үзэж байгаа" гэв.