ХБНГУ-ын Сэргээн босголтын зээлийн банкны буцалтгүй тусламжаар хэрэгжүүлж байгаа Монгол Улсын Тусгай хамгаалалттай газар нутгуудын менежментийг сайжруулах “Биологийн олон янз байдлыг хамгаалах, уур амьсгалын өөрчлөлтөд дасан зохицох нь” төсөл хэрэгжиж байгаа. 

Уг төсөл нь одоогоор Монгол орны баруун болон баруун өмнөд говийн хэсэгт Увс, Ховд, Баян-Өлгий, Баянхонгор, Говь-Алтай аймгийн 50 сумдыг экосистем, байгаль орчин нийгэм эдийн засгийн ижил төстэй байдлаар нь бүс нутаг болгон цогц байдлаар хөгжүүлэх зорилттойгоор ажиллаж байгаа юм. Тэгвэл төслийн хүрээнд Баруун бүсийн болон сонгогдсон тусгай хамгаалалттай газар нутгуудын хамгаалалтын захиргаадыг мотоциклоор хангах тендер зарлажээ. 

Тендерийн төсөвт өртөг НЭГ тэрбум 64 сая төгрөг байна. Зарлагдсан тендерийн баримт бичигт хичнээн тооны мотоциклийг энэ хэмжээний хөрөнгөөр авах тооцооллыг хавсаргаагүй байна. Ямартай ч ХБНГУ-ын Сэргээн босголтын зээлийн банкны буцалтгүй тусламжийн ТЭРБУМ төгрөг мотоцикл худалдан авах үйл ажиллагаанд зарцуулагдах нь ээ.