Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн Үндэсний их баяр наадам эхэллээ.
Баяр, наадмын өдрүүдэд цагдаа, дотоодын цэргийн алба хаагчид "Хүй долоо худаг"-т гэмт хэрэг, зөрчлөөс урьдчилан сэргийлэх, нийтийн хэв журам хамгаалах, олон нийтийн болон замын хөдөлгөөний аюулгүй байдлыг хангах чиглэлээр “Түр хүрээ” байгуулан 1500 орчим алба хаагчид үүрэг гүйцэтгэж байна.
Одоогоор "Хүй долоон худаг"-т өчигдөр болон өнөөдөр гэмт хэрэг, зөрчлийн шинжтэй болон зам тээврийн ослын дуудлага, мэдээлэл бүртгэгдээгүй.
Түүнчлэн "Оюутан цагдаа" нар гадаадын иргэд, жуулчдад гэмт хэрэг, зөрчлөөс урьдчилан сэргийлэх мэдээ, мэдээлэл, зөвлөгөө өгч ажиллаж байна.
Өчигдөр төөрсөн бага насны 1 хүүхдийг ар гэрт нь хүлээлгэн өгсөн байна.
Наадамчин олон Та бүхэн бага насны хүүхэддээ тавих хараа хяналтаа сулруулалгүй, замын хөдөлгөөнд оролцохдоо дүрмээ баримтлан осол, эрсдэлгүй сайхан наадаарай.
| Уншиж байна |