ОБЕГ-ын дарга, хошууч генерал Г.Ариунбуян үерийн улмаас үүссэн нөхцөл байдлын хор уршгийг арилгах чиглэлээр авч хэрэгжүүлж байгаа арга хэмжээний талаар мэдээлэл өглөө.

ОБЕГ-ын дарга, хошууч генерал Г.Ариунбуян

Нөхцөл байдалтай холбогдуулаад УОК болон НОК-оос холбогдох арга хэмжээг авч ажиллаж байна. 

Хамгийн эрсдэлтэй цэг буюу Натур худалдааны төвөөс хойд талын Баянзүрх болон Сүхбаатар дүүргийн чиглэл дагуух үүссэн далан хальж урссан газруудад уутанд шуудайлсан элсээр далан өндөржүүлэх үйл ажиллагаа өчигдрөөс нийтдээ 400-450 метр урттай хоёр талын даланг 1.20-1.50 өндөрлөгөөтэйгөөр  24 цаг хийж гүйцэтгэж байна. 

24 цагийн хугацаанд нийт 780 гаруй албан хаагч 122 тээврийн хэрэгсэлтэй ажилласан. Нөхцөл байдал нэн хүндэрч байгаа найман байршил бий. Усны түвшин 15-20 см нэмэгдсэн. Ялангуяа Сэлбэ гол Натур төвийн баруун, зүүн 2 талд сэргээсэн далан сэтрэхгүй хонолоо. Бид бүх талаараа шаардлагатай арга хэмжээг авч ажиллаж байна" гэв.