Зургадугаар сарын 29-ний өдөр ОХУ-ын Нижний Новгород хотод байх "Бальзам" химийн үйлдвэрт хоёронтаа дэлбэрэлт гарч, улмаар гал гарсан талаар Mash телеграм суваг мэдээлжээ.
"Урьдчилсан мэдээллээр, зургадугаар сарын 29-ний 09:50 цагт "Бальзам" хувьцаат компанийн нутаг дэвсгэр дээр цистерн шатаж, нэг хүн гэмтсэн" хэмээн орон нутгийн захиргаа мэдэгджээ. Сүүлд гарсан мэдээллээр, цистерн шатсаны улмаас энэ тээврийн хэрэгслийг жолоодож явсан хүний биеийн 90 хувь нь түлэгдсэн байна.
Үйлдвэр дээр ачааны машин, хэд хэдэн гараж шатжээ. Гал түймрийн талбай 800 кв.м байсан, галыг цурманд оруулсан гэж эх сурвалж мэдээлсэн байна. Оросын Онцгой байдлын яамны мэдээлснээр, шатсан цистернд будаг шингэлэгч байсан, химийн бодис шатсаны улмаас агаар дахь бохирдуулагч бодисын агууламж хэтрээгүй, хүний эрүүл мэндэд хор хохирол учруулахгүй гэнэ.
Г.Бямбасүрэн
| Уншиж байна |