Хятадын WeChat апликейшн гадаадын иргэдэд зориулсан шинэ үйлчилгээ нэвтрүүлэхээр болжээ. Энэ нь олон улсын төлбөрийн системийг WheChat-д холбох үйлчилгээ аж. 

Tencent Financial Technology компанийн дэд ерөнхийлөгч Чэнь Цижугийн мэдэгдсэнээр, гадаадын хэрэглэгчид Visa болон бусад олон улсын төлбөрийн системийг WheChat-д холбох боломжтой болох гэнэ. Ингэснээр гадаадын жуулчид WeChat Pay үйлчилгээгээр дамжуулж банкны картнаасаа төлбөр төлөх боломжтой болох юм байна. Энэ үйлчилгээг долдугаар сараас эхлэн гадаадын иргэдэд санал болгох аж. 

WeChat нь Хятадад ашиглагддаг гар утасны гол апликейшн юм. Энэ апликейшнд олон нийтийн сүжлээ байхаас гадна хоол, такси захиалга, төрөл бүрийн тасалбар худалдан авах, унадаг дугуй түрээслэх боломжууд байдаг аж. 

Г.Бямбасүрэн