Зургадугаар сарын 27-ны өдөр Парисын дагуул хот болох Нантерт 17 настай жолоочийг цагдаа буудан хөнөөсний дараа эхэлсэн эмх замбараагүй байдал Францад үргэлжилсээр байна. Энэ үймээн Нантер хотод төдийгүй бусад дагуул хотуудад ч дэгдсэн бөгөөд өнгөрсөн шөнө Францын цагдаагийнхан эмх замбараагүй байдалд оролцсон 150 хүнийг баривчилжээ.

"Тэвчихийн аргагүй хүчирхийлэл үйлдэгдсэн шөнө байлаа. Захиргаа, сургууль, цагдаагийн хэсгүүд рүү халдаж, шатаасан. Энэ хэрэгт оролцсон 150 хүнийг саатууллаа. Эмх замбараагүй байдлыг сөрөн зогссон цагдаа, гал сөнөөгчдийг дэмжиж байна. Тайван амгалан байдалд уриалагүй хүмүүс бол гутамшиг" гэж Францын Дотоод хэргийнс айд Жеральд Дарманен мэдэгджээ. 

Эргэн сануулахад, зургадугаар сарын 27-28-нд шилжих шөнө цагдаагийн алба хаагч замын эргүүл хийх үеэрээ Мерседес маркийн машиныг  зогсоох шаардлага тавьсан ч 17 настай жолооч шаардлагыг үл биелүүлж, хурдаа нэмсний хариуд цагдаа гал нээсэн байна. Улмаар жолооч газар дээрээ нас баржээ. Энэ хэргийг үйлдсэн цагдааг санаатайгаар хүний амь хөнөөсөн хэрэгт сэжиглэн баривчилж хорьсон байна. Үүний дараа хотод эмх замбараагүй байдал дэгдэж 24 цагдаагийн алба хаагч шархаджээ.

Г.Бямбасүрэн