АНУ-ын Ерөнхийлөгч Жо Байден унтах үедээ уушгины хиймэл амьсгалын аппарат ашигладаг болжээ. Энэ талаар Цагаан ордны төлөөлөгч сэтгүүлчдэд мэдээлсэн байна. 

Сүүлийн өдрүүдэд Байдены нүүрэн дээр үлдсэн ул мөр сэтгүүлчдийн анхаарлыг татах болжээ. Ингээд Цагаан ордноос тодруулахад, уушгины хиймэл амьсгалын аппаратны багнаас үлдсэн ул мөр хэмээн тайлбарласан байна. Ингэснээр унтах үед амьсгал тасалдах, амьсгалахад хүндрэл учир зэрэг эмгэгүүдээс зайлсхийхэд нь туслаж байгаа хэмээн Цагаан ордны төлөөлөгч тайлбарлажээ. 

Америкийн хэвлэлүүдийн мэдээлснээр, Байден унтах үед амьсгал тасалдах эмгэгтэй олон жил тэмцэж байгаа бөгөөд өмнө нь ч тэрбээр уушгины хиймэл амьсгалын апапарат ашиглаж байсан гэнэ. Тэрбээр 2008 онд энэ өвчнийхөө талаар мөн ярьж байжээ.

Г.Бямбасүрэн