Америкийн дуучин Мадонна бактерийн халдварын улмаас эмнэлэгт хэвтжээ. Энэ талаар поп дуучны менежер Гай Озри мэдэгдсэнийг Sky News дамжуулсан байна.

"Зургадугаар сарын 24-ний бямба гарагт Мадонна ноцтой халдварын улмаас эмнэлэгт хүргэгдсэн. Хэд хоногийн туршид сэхээн амьдруулах, эрчимт эмчилгээний тасагт хэвтэн эмчлүүлсэн" хэмээн Гай Озри Инстаграм хуудсандаа бичжээ. Одоо дуучны бие сайжирч, эмчийн хяналтад байгаа, уушгины хиймэл амьсгалын аппарат залгуулсан гэж Мадоннагийн менежер өгүүлсэн байна. 

Мадоннагийн эрүүл мэнд гэнэт муудсан тул долдугаар сарын 15-ны өдөр эхлэх ёстой байсан аялан тоглолтыг хойшлуулжээ. Өдгөө 64 настай поп дуучин урлагт хөл тавьсныхаа 40 жилийн ойд зориулан аялан тоглолт зохион байгуулахаар төлөвлөж байсан ч ийнхүү биеийн байдлын улмаас бүх тоглолтоо хойшлуулахаас аргагүй болсон байна.

Г.Бямбасүрэн