"Дэвүүртэй эмэгтэй" зураг түүхэнд бичигджээ. Энэ зургийг Sotheby's дуудлага худалдаагаар оруулахад урьд хожид байгаагүй өндөр үнэ амласан талаар Евроньюс мэдээлсэн байна. 

Тодруулбал, Австрийн модернисти зураач Густав Климтийн "Дэвүүртэй эмэгтэй" зураг дуудлага худалдаагаар 74 сая фунт стерлинг буюу монгол мөнгөөр тооцвол 315,6 тэрбумтай тэнцэх мөнгөөр худалдаалагджээ. Ингэснээр Европт зарагдаж байсан хамгийн үнэтэй уран зураг болсон байна.

Эх сурвалжийн мэдээлснээр, дуудлага худалдаа эхэлмэгц л энэ бүтээлийг авах гэсэн хүмүүс нэг нэгнээсээ өрсөн үнэ хаялцсан аж. Ингээд нэгэн эрхэм 74 сая фунт стерлингээр худалдан авахаар болсон бөгөөд сүүлийн 29 жил нэг гэр бүлд хадгалагдаж байсан энэ зургийгн үнэ хаяж авсан хүний нэрийг нууцлаж байна.

"Дэвүүртэй эмэгтэй" зураг нь Климтийн хамгийн шилдпэг бүтээлүүдийн нэгд тооцогддог. Мөн түүний карьерынх нь сүүлчийн хөрөг энэ байсан гэж судлаачид үздэг юм. Климт энэ хөргийг 1917-1918 онд бүтээсэн бөгөөд 55 насандаа гэнэт таалал төгсөхөөсөө хэдхэн сарын өмнө зурж дуусгажээ.

Үүнээс өмнө Европт дуудлага худалдаагаар хамгийн өндөр үнэ хүрсэн урлагийн бүтээл нь "Алхаж буй хүн" баримал байв. Альберто Жакометтигийн урласан энэ хүрэл баримлыг 65 сая фунт стерлингээр худалдаалж байжээ. 

Г.Бямбасүрэн