ХЗДХЯ-ны Үндэсний бөхийн салбар хорооны төвлөрсөн гишүүдийн хурлаар Үндэсний их баяр наадмын хүчит бөхийн барилдааны 1-9 давааны барилдаануудад бөхчүүдийг идэвх харж хасах болон давуулах дүрмээр зохион байгуулахаар шийдвэрлэжээ. МҮБХ-ноос уг шийдвэр нь дараах шалтгаануудын улмаас хүндрэл учруулна хэмээн үзэж байна. 

1. Наадмын түрүү, үзүүр болон цолны даваануудад бөхийг идэвхээр хасах нь Монгол түмний тусгаар тогтнол, эв нэгдэл, сайн сайхны бэлгэдлийн илэрхийлэл, үндэсний их баяр наадмаа үзэж байгаа нийт ард олон, үзэгчдэд таагүй сэтгэгдэл төрүүлэх, үүнээс шалтгаалсан ямарваа нэгэн маргаан үүсэх

2. Идэвхээр давуулах шийдвэр гарсантай холбогдуулан жилд нэг удаа цол олгох наадмын барилдаанд бөх өрсөлдөгчөө мэх хийн давахыг эрсдэлтэйд тооцон, зөвхөн идэвх гаргах үйлдэл, хөдөлгөөн хийж монгол бөхийн үндсэн суурь зарчим алдагдах

3. Орон нутагт болох сум, аймгийн наадмуудыг зохион байгуулагчид бөхийг хэлмэгдүүлэх, хохироохоос болгоомжилж байна.

Тиймээс бөхийг идэвхээр хасах дүрмийг наадмын барилдаанд хэрэгжүүлж, шийдвэр гаргах комисс байгуулах нь зүйтэй хэмээн үзэж, ХЗДХЯ-нд ханджээ.