Өчигдөр БНСУ-ын хэвлэлээр Монгол гурван настай хүү аавын хамт хууль бус цагаачаар баригдаж, 20 хоног ямар ч агааржуулалтгүй эрүүл мэндийн шаардлага хангаагүй газар саатуулагдаж байгаа камерын бичлэг цацагджээ. Энэ талаар Солонгосын хэвлэл мэдээллээр "Монгол хүүхдийн эрхийг зөрчиж байна" гэх тайлбартайгаар тархаад буй. 

Монголоос ирсэн гурван настай хүүг түүний аавынх нь  /22 настай / хамт саатуулжээ. Ингэхдээ гурав хоног газар доор хоргодох байранд, үлдсэн хугацаанд Сувон дахь цагаачдын саатуулах төвд байрлуулсан байна. 

Хүүгийн аав О-гоос зарим зүйлийг тодруулахад, "Би хүүтэйгээ Сувон дахь Цагаачлалын албаны хагас подвалын хамгаалалтын өрөөнд цонхгүй, долоо хоног хоносон. Харин дараа долоо хоногт нь арай дээр газар саатуулагдаж байсан. Энэ хугацаанд хүү минь хүүхэд атопи, архаг өвчтэй, бүр ханиад хүрч, хүүхдийн эмчид хоёр удаа очих шаардлагатай болсон. Хүү минь 17 дахь өдрөөс эхлэн хүүгийн биеийн байдал огцом муудаж, хоол идэж чадахгүй болсон. Тэгээд танилаараа дамжуулан Хүний эрхийн үндэсний комисст гомдол гаргасан. Үүний дараагаар Сувон хотын Цагаачлалын албаныхан 20-ны өглөө аав хүү хоёрыг дагуулан Инчоны олон улсын нисэх онгоцны буудал руу хүргэж өгч Монгол руу ирсэн. Хүү минь хоригдож, албадан гаргасны улмаас маш их стресст орсон бяцхан хүү одоог хүртэл хоолоо зөв идэж чадахгүй, бодлоо ч зөв илэрхийлж чадахгүй байгаа" гэжээ.

Монгол Улсын иргэн иргэн О нь  2020 оны хоёрдугаар сард жирэмсэн найз охины хамт Солонгос руу аялахаар ирсэн ч Ковид-19-ийн улмаас Монгол руу буцаж чадалгүйгээр Солонгост үлдсэн байна. Тухайн үед Монголын төр хорио цээрийн хатуу бодлого хэрэгжүүлж, гадаадад байгаа иргэдээ хилээр нэвтрүүлэхгүй байсан билээ. Уг нөхцөл байдалтай уялдуулан Солонгосын Засгийн газар оршин суух хугацааг түр хугацаанд сунгасан байна. 

Түүний хүүг сэхээн амьдруулах тасагт хэвтэн эмчлүүлж, амьсгалахад хүндрэлтэй, даралт ихсэх зэрэг хүндрэлтэй байсан тул байнгын үзлэгт хамрагдах шаардлагатай гэж эмнэлгийн ажилтнууд хэлж байжээ.  

Ингэснээр О нь Монгол руу буцаж чадалгүйгээр Солонгост бүртгэлгүй түр оршин суугчаар үлдэхээр шийджээ. Тэрбээр хүүхдийнхээ амь насыг аврахын тулд мөн визээ сунгуулах зардлаа төлөхийн тулд хууль бусаар ажиллаж эхэлсэн байна. Ингэхдээ дөрөвдүгээр сард зөвшөөрөлгүйгээр машин жолоодож яваад цагдаад баригджээ. 

Солонгос улс 1991 онд НҮБ-ын Хүүхдийн эрхийн тухай конвенцид нэгдэн орсон бөгөөд тус конвенцид цагаач хүүхдүүдийг эцэг эхийн шалтгаанаар (бичиг баримтгүй оршин суух) баривчлах нь эрх чөлөөтэй байх эрхийг зөрчиж, хүүхдийн дээд эрх ашгийг зөрчиж байна гэж заасан байдаг. Мөн хүний эрхийн комисс "Хүүхдийг баривчлах хамгийн бага хугацаагаар хязгаарлах, хэрэв зайлшгүй шаардлагатай бол гэр бүлийг хамгаалахад тохиромжтой тусдаа байгууламж бэлтгэх хэрэгтэй" гэж заасан байдаг. 

Энэхүү мэдээлэл гарснаас хойш БНСУ-ын Хууль зүйн яам 3 настай хүүхдэд хүүхдийн хоол ч байхгүй, хүүхдийн бие засах газаргүй, агааржуулалт байхгүй зэргээр хүүхдийн эрхийн маш ноцтой зөрчиж байна гэх шүүмжлэлд өртөөд байна.

Эх сурвалж: The Hankyoreh