Цахим залилангийн гэмт хэргийн 600-800 гаруй хохирогчдийн төлөөлөл мэдээлэл хийлээ. 

Хохирогчид: Г.Болорчимэг, Л.Эгшиглэн хэмээх захиралтай "Visa consulting mongalia" гэх компани АНУ, БНСУ, Австрали зэрэг улс руу гэр бүлийн, сургалтын, аялалын зэрэг олон төрлөөр виз гаргаж өгнө гэж олон жил залилангаар үйл ажиллагаагаа явуулж байгаа газар юм. Энэ газар нь маш олон жил залилан хийж, олон хүнийг тэрбумаар хэмжигдэх хэмжээний хохирол учруулаад байгаа юм. 

Одоогоор Л.Эгшиглэн гэх хүнийг цагдаа дээр байцааж байгаа. Харин түүний эхнэр Г.Болорчимэг нь залилан хийсэн хэр нь цагдаад байцаагдахгүй, бүр өөр шинэ газар нээчихсэн үйл ажиллагаагаа явуулж, залилан хийгээд явж байна.

"Visa consulting mongalia" нэртэй фэйсбүүк хуудас нь нээлттэй, хүмүүсээс мөнгө залилж авсаар л байна шүү дээ. Эдгээр хүмүүс залилан хийж тансаг амьдарч байна. 

Одоо цагт Монголд хулгай хийсэн, залилан хийсэн хүмүүс л сайн сайхан амьдарч байна. 600 гаруй хүнийг дөрвөн тэрбум төгрөгөөр залилаад зүгээр л сууж байна. Яагаад энэ хүмүүс зүгээр гадуур сэлгүүцээд яваад байгаа юм бэ? хуулиа чангатгаж болдоггүй юм уу. 

Виз зуучлалын төлбөр гэж таван сая төгрөг авдаг. Тэгээд тийзийг нь захиалахгүй, виз мэдүүлэлгүй өөрсдөө мөнгийг нь авчихдаг. Жишээ нь эхнэр, нөхөр хоёр нэг хүүхэдтэйгээ Австрали явъя гэхэд виз мэдүүлгийн мөнгө 5 сая, дээр нь тийзийн төлбөр 18 сая, дахиад 1 сая, нийт 24 сая төгрөг авчихсан байгаа юм. 

Энэ мэтчилэн хохирсон иргэд маш их байна. Иймд дээр дурдсан хүмүүсийг шалгаж бүх мөнгөө аван автлаа шүүх цагдаагаар явах болно. Харин ийм хэрэгт орохгүй байхын тулд Цахим гэмт хэрэгтэй тэмцэх албаныхан энэ мэтийн залилангийн фэйсбүүк хуудсуудыг тэр дор нь шалгаж таслан зогсоох хэрэгтэй юм байна гэдгийг хатуу хэлэхийг хүслээ.