Монгол Улсын Хөгжлийн банкны өмчлөх бусад үл хөдлөх хөрөнгөд бүртгэн авсан байр, обьектууд болон худалдан борлуулах ажлыг зохион байгуулахтай холбоотой мэдээлэл өглөө. 

Хөгжлийн Банкны захиргаа удирдлагын газрын захирал С.Мөрөн 

Хөгжлийн банкны зээлийн эргэн төлөлтөнд хураан авсан үл хөдлөх хөрөнгүүдийг олон нийтэд нээлттэй зарж борлуулах үйл ажиллагааг албан ёсоор зарлаж байгаа тухай мэдээллийг хүргэе. 

Өнгөрсөн 2022 оны эхнээс ХБ-ны чанаргүй зээлийн эргэн төлөлт эрчимжиж хэвлэл мэдээллийн байгууллага, олон нийт, хууль хүчний байгууллага болон төр засгийн дэмжлэгтэйгээр өнөөдрийн байдлаар хөгжлийн банк 1.3 их наяд төгрөгийн зээлийн эргэн төлөлтийг хангуулаад ажиллаж байна. 

Зээлийн эргэн төлөлтийг хангуулахдаа бэлэн мөнгө болон үл хөдлөх хөрөнгийг оролцуулсан. 

Бид шууд борлуулахад бэлэн болсон 6.1 тэрбум төгрөгийн үнэлгээтэй 18 үл хөдлөх хөрөнгийг олон нийтэд зарж борлуулахаар бэлэн болж байна. Үүнд: Орон сууц, автозогсоол, үйлчилгээний талбай зэрэг багтана. Эдгээр үл хөдлөх хөрөнгийн байршил болон дэлгэрэнгүй мэдээлэл Хөгжлийн банкны албан ёсны веб сайтад байршсан.

Хөгжлийн банкны бүртгэлд байгаа өмчлөх бусад үл хөрөнгийг нөхцөл байдлаар ангилбал:

• Бүрэн ашиглалтад орсон болон худалдан борлуулахад бэлэн
• Бүтээн байгуулалтын ажил үргэлжилж буй
• Дуусаагүй буюу бүрэн ашиглалтад ороогүй хөрөнгө

Хөгжлийн банкны зүгээс энэ удаа бүрэн ашиглалтад орсон болон худалдан борлуулахад бэлэн үл хөдлөх хөрөнгийг борлуулахаар олон нийтэд мэдээлэл хүргэж байна.