Засгийн газар 2023 оныг Авлигын эсрэг жил болгон зарласан. Энэ хүрээнд "ТАВАН Ш" ажиллагаа хэрэгжүүлж байгаа юм. "ТАВАН Ш" ажиллагааны ШИЛ ажиллагааны хүрээнд өнгөрсөн сараас эхлэн төрийн байгууллагуудын тэр дундаа Засгийн газрын тусгай сангуудын мэдээлэл нийтэд хүрч, шүүмжлэл дагуулаад байна. 

Тэгвэл энэхүү үйл ажиллагаатай холбогдуулан нийслэлийн Засаг дарга асан Э.Бат-Үүл "Төрийн олон сангуудыг ил тод болгож байгаа Ерөнхий сайд Л.Оюун-Эрдэнэ тэргүүтэй залууст баяр хүргэе! Одоо л их олон юмны учир тодорч эхэлж байна.Төрийн хөрөнгөөр хөлждөг бүхэл бүтэн анги бий болсон байжээ! 30-аад насны залуус минь,сайн харж ав,бүү март! Либеритариудын түмэн зөв байжээ!" хэмээн нийгмийн сүлжээндээ бичжээ.

 Шил ажиллагаа

• Цахимжилтыг эрчимжүүлж, төрийн байгууллагын үйл ажиллагааны ил тод байдлыг хангаж, хүнд суртлыг арилгах, бүх төрлийн сонгон шалгаруулалтыг нээлттэй болгох;

• Төрийн өмчит компаниудыг олон нийтийн хяналттай, нээлттэй компани болгох, ур чадвар бүхий менежментийн багийг ажиллуулах;

•  Улс төрийн намын хууль, эрх зүйн орчныг сайжруулж, улс төрийн болон улс төрийн намын санхүүжилтийг ил тод болгох, олон намын оролцоотой шударга өрсөлдөөнтэй, ардчилсан парламентын засаглалыг төгөлдөржүүлэх;

•  Ёс зүйтэй, шударга өрсөлдөх орчныг бүрдүүлж, цэвэр, тунгалаг бизнес эрхлэхүйг дэмжинэ.

• Энэхүү таван “Ш” ажиллагаа нь цаг үеийн нөхцөл байдал, иргэд, олон нийтээс тавьж байгаа санал, шаардлагыг шуурхай шийдвэрлэхэд чиглэж байгаагаас гадна хамтран ажиллагсад, найз нөхдөө өмгөөлж хэн нь хэндээ хариуцлага тооцож чадахгүй явж ирсэн буруу тогтолцоог халах, төрийн өндөр албан тушаалыг сонгосон хэн бүхэн авлига, ашиг сонирхлоос ангид байж, өөрсдөөсөө эхлэн ёс зүйгээр манлайлах жишгийг тогтоох эерэг үр нөлөөг үзүүлнэ гэж үзэж байна.