Гүрж дэх Европын Холбооны элчин сайд Павел Герчинский Гүрж улс Оростой агаарын харилцаагаа сэргээсэнтэй холбоотойгоор ЕХ-ны 27 орон эсэргүүцэж байгааг илэрхийлсэн албан ёсны мэдэгдлийг Гүржийн Эдийн засгийн сайд Леван Давиташвилид гардуулжээ. Энэ талаар "Эхо Кавказа" мэдээлсэн байна. 

Герчинскийн мэдэгдсэнээр, Гүрж улс Оростой агаарын харилцаагаа сэргээсэн нь Украин руу түрэмгийлснийх нь төлөө Оросыг тусгаарлах, дарамт үзүүлэх Европын холбооны шийдвэртэй зөрчилдөж байгаа гэнэ. ЕХ-ны 27 орон ОХУ руу шууд нислэг хийхээс татгалзаж, нутаг дэвсгэр дээрээ Оросын агаарын хөлгүүдийг буулгахаа зогсоосон юм.

Эргэн сануулахад, Гүрж улс тавдугаар сарын 25-ны өдрөөс эхлэн оросуудад зориулж Европ руу нислэг үйлдэх болсон. Эдгээр нислэгүүд нь Милан, Парис, Вена, Ларнаки, Салоники хүрэх юм. Мөн Орос руу тогтмол нислэг үйлдэж эхэлсэн бөгөөд үүнийг эсэргүүцсэн олон нийт эсэргүүцлийн жагсаал зохион байгуулж байсан бол Гүржийн Ерөнхийлөгч агаарын тээврийн компанийг шүүмжилснээр хариу эсэргүүцэлтэй тулгарч байлаа.

Г.Бямбасүрэн