Өнгөрсөн оны төгсгөлд Эдийн засгийн хөгжлийн яам бууриа сэлгэсэн. Учир нь Эдийн засгийн хөгжлийн сайд Ч.Хүрэлбаатар сайд "Монголын нүүр царай болсон Эдийн засгийн хөгжлийн яам хавтан зүүсэн байранд ажиллаж байна" хэмээн байраа голж, гомдоллосон. Иймээс тус яам Засгийн газрын XI байрны 1-6 давхар лүү нүүсэн байдаг.

Тэгвэл нүүж орсон байр болон Хөрөнгө оруулалт худалдааны агентлагийнхаа байрыг ДӨРВӨН тэрбум төгрөгөөр  засварлаж байна. Тодруулбал, Огторгуйн Цамхаг ХХК руу хоёр тэрбум төгрөгийг Эдийн засгийн хөгжлийн яамны Төрийн нарийн бичгийн даргын гарын үсэгтэйгээр шилжүүлжээ. Ингэхдээ Хөрөнгө оруулалт худалдааны агентлагийн байрны цонх, шилэн хана, хаалгыг НЭГ ТЭРБУМ 544 сая төгрөгөөр засварлуулахаар болж, энэ сард НЭГ ТЭРБУМ 238 сая төгрөгийг энэ сард шилжүүлсэн байна. 

Огторгуйн Цамхаг ХХК-тай хийгдсэн хоёр дахь гэрээ нь ХОЁР ТЭРБУМ гаруй төгрөгийн өртөгтэй. Энэ нь Засгийн газрын XI байрны Эдийн засгийн хөгжлийн яамны дотоод засал хийлгэх гэрээ юм. Гэрээнд заагдсаны дагуу энэ сард тус компани руу 772 сая төгрөгийг энэ сард шилжүүлжээ.

Ийнхүү Шадар сайд бөгөөд Эдийн засаг, хөгжлийн сайд гэх том албан тушаалын эзэн Ч.Хүрэлбаатар Хэмнэлтийн үеийн төсвийг хэмнэлтийн бус төсөв болгон хувиргав. Монгол Улс энэ оны төсвөө батлахдаа хүүхдийн мөнгөнд хүртэл таналт хийсэн. Үүнээс үүдэн хүүхдийн мөнгөнөөс хасагдсан иргэд бухимдалтай байна. Тэгвэл ганцхан яамныхны тав тухыг хангахын тулд ДӨРВӨН тэрбум төгрөг зарцуулах нь хэр оновчтой төсвийн хуваарилалт вэ, гэдэгт Ч.Хүрэлбаатар сайд хариулт өгөх биз ээ. 

П.ГОО