Төрийн гэх болгон хулгай, худал хуурмаг нүүрлэсэн баримтууд ээлж дарааллан дэлгэгдсээр байна. Өнгөрсөн оны гуравдугаар сард Засгийн газрын ээлжит хуралдаанаар  "Хөтөлийн цемент шохой” ХК-ийг хувьчилсан 2015 оны шийдвэрийг хүчингүй болгосон.

Төр өмчөө авсны дараах тус компани хэрхэн тонон дээрэмдэгдсэн талаарх баримтууд ар араасаа хөвөрсөн. Өнөөдөр ч хууль шүүхийн асуудал нь үргэлжилсээр байна. Тэгвэл Хөтөл Цемент шохой ТӨХК-иас 220 сая төгрөгөөр хуулийн зөвлөгөө авахаар тендер зарласан байна. Тус компани нь бүх л бүтэн хуулийн хэлтэстэй. Хариуцсан даргатай.  Гэтэл гаднаас хуулийн зөвлөгөө авахаар ийнхүү тендер зарласан байгаа нь анхаарал татна. Хөтөл Цемент шохой ТӨХК н хууль ёсны эрх ашгаа хамгаалуулахаар ийнхүү зөвлөх хайж эхэлсэн байна.