ШӨХТГ-т “Электрон гаджет” ХХК-иас 2023 оны тавдугаар сарын 08-ны өдөр “Дархан-Уул аймгийн Засаг даргын 2023 оны тавдугаар сарын 05-ны өдөр гаргасан "Электрон тамхи, түүний дагалдах хэрэгслийг худалдан борлуулахыг хориглох тухай” захирамж нь аж ахуйн нэгжийн бизнесийн үйл ажиллагаанд хууль бусаар саад учрууж, электрон тамхи хэрэглэгч иргэдийн эрхийг хязгаарлаж байна” гэх гомдол иржээ.

Уг гомдолд дурдсан асуудлыг судалж үзэхэд

Тухайлбал, Тамхины хяналтын тухай хуулийн 3 дугаар зүйлийн 3.1.1-т "тамхин бүтээгдэхүүн" гэж татах, үнэрлэх, зажлах зорилгоор тамхины навчийг бүхэлд нь буюу хэсэгчлэн түүхий эд болгон үйлдвэрлэсэн хэрэглээний бүтээгдэхүүнийг:”, 3.1.2-т "утаат тамхи” гэж үйлдвэрийн болон гар аргаар ороож бэлтгэсэн, татах зориулалттай янжуур, навчин тамхи, дүнсэн болон түүнтэй адилтгах задгай тамхийг," хэлэхээр тус тус заасан. Хуульд зааснаас үзэхэд “тамхин бүтээгдэхүүн” гэх нэр томьёонд Монгол Улсад худалдаалагдаж буй электрон тамхи болон түүний дагалдах хэрэгслүүд хамаарахгүй байна. Өөрөөр хэлбэл өнөөдрийн байдлаар электрон тамхины импорт, худалдааг хориглохтой холбоотой эрх зүйн зохицуулалт Монгол Улсад байхгүй байна.

Иймд электрон тамхины худалдаа, хэрэглээг хязгаарлахтай холбоотой зарим аймгуудын Засаг даргын гаргасан шийдвэр /захирамж/ Өрсөлдөөний тухай хууль тогтоомжийг зөрчиж байх тул хуулийн хэрэгжилтийг хангуулахаар шаардлага хүргүүлсэн ба бусад аймгуудад тухайн зөрчлийг давтан гаргуулахгүй байх зорилгоор энэхүү зөвлөмжийг хүргүүлж байна. 

Мөн энэ хүрээнд ЭМЯ-нд Тамхины хяналтын тухай хуульд нэмэлт, өөрчлөлт оруулах тухай хуулийн төсөл боловсруулагдаж, санал авахаар олон нийтээр хэлэлцэж байх тул холбогдох саналаа төрийн захиргааны төв байгууллагад хүргүүлж ажиллах нь зүйтэй" гэжээ.