Нийгмийн сүлжээнд сүүлийн хэдэн өдөр Булган сумын төвд байрлах хоёрдугаар цэцэрлэгийн газрыг булааж барилга барихаар хашсан асуудал шүүмжлэл дагуулж байна.

 Тодруулбал, Булган аймагт Тагнуулын ерөнхий газрын оффисын барилга барихтай холбогдуулан ийнхүү моднуудыг тайрж, цэцэрлэгт хүрээлэнг сүйтгэж эхэлжээ. Энэхүү цэцэрлэгт хүрээлэнгийн модыг Булганчууд 60 гаруй жилийн өмнөөс тарьж, арчилж ургуулсаар ирсэн тухайгаа бичиж байна. Гэвч өнөөдөр эдгээр моднуудыг нь тайрч, хашаа хатгаж барилга барихаар бэлтгэж эхэлжээ. Эх сурвалжын мэдээллээр Булган аймгийн иргэдийн амралт, чөлөөт цагаа өнгөрүүлдэг цэцэрлэгт хүрээлэнд Тагнуулын ерөнхий газрын оффисын барилгаа барихаар өнөөдөр шавь тавих ёслолоо хийх юм.  

Тагнуулын ерөнхий газрын оффис  учраас нууцын зэрэглэлтэй хэмээн тодотгож байгаа энэхүү барилга барих газрын зөвшөөрөл чухам яагаад цэцэрлэгт хүрээлэнтэй залгаа баригдах болсон анхаарал байна. Хот хөдөөд Ерөнхийлөгч  "Тэрбум мод" хөдөлгөөнийг эхлүүлсэн. Гэтэл энэхүү хөдөлгөөнийг П.Одонбаатар даргатай  Тагнуулын ерөнхий газрынхан үл тоолоо.