Монголын төмөр замчдын Үйлдвэрчний эвлэлийн холбооноос “Шүүр ажиллагаа” болон цаг үеийн асуудлаар мэдээлэл өглөө. 

Монголын Төмөр замчдын Үйлдвэрчний эвлэлийн холбооны дарга Б.Баяраа

Ерөнхий сайдад хүргүүлсэн хүсэлтийн агуулгыг танилцуулъя. Улаанбаатар төмөр зам ХНН-ийн ТУЗ буюу Ерөнхий хороонд ажиллах монголын талын тэргүүн Ерөнхий хорооны орлогч даргаар ЗТХ-ийн сайдын зөвлөх Д.Эрдэнэбат, Ерөнхий хорооны гишүүнээр Улаанбаатар төмөр замд  ямар нэгэн холбоо хамаарал байхгүй, ашиг сонирхлын зөрчилтэй томилогдсон Б.Сүхгэрэл нарыг Засгийн газрын оролцоотой буруу гэж үзэж байна.

Улаанбаатар төмөр зам ХНН-ийн Тээвэр зохион байгуулалт хариуцсан орлогч дарга нь зах зээлийн эрэлт ихэссэн тохиолдолд зах зээлийн эрэлт ихэссэн тохиолдолд авлигаас ангид үйл ажиллагаа явуулах, эрэлт нийлүүлэлт нийцсэн тээврийн үнэ тарифыг мөрдлөг болгох, доод шатны албан тушаалтнуудын үйл ажиллагаанд хяналт тавих үүрэгтэй. Шударга байдлаар асуудалд хандахгүй байна.

УБТЗ ХНН-д ажлын байрны болон аливаа байдлын бэлгийн дарамт гарсан талаар шүгэл удаа дараа үлээж байсан. ЗТХЯ-ны сайд С.Бямбацогт нь өөрийн хувийн хэрэгцээнд  "Ган зам пресс" төвөөр “Цаг тооны бичиг” яаралтайгаар хэвлүүлэхэд тус Төвийн дарга удирдлагууд нь ажилчдаа 72 цаг хүртэл илүү цагаар нойр хоолгүй ажиллуулсан боловч одоо хүртэл илүү цагийн хөлсийг олгоогүй болон нөхөн амруулаагүй.

Мөн шүүр ажиллагаа эгэл хүмүүсийн хувьд дарамт, эрх мэдэлтнүүдийн хувьд өөрсдөд нь дургүй хүмүүсээс салах боломж болж харагдаад байна. Асуудал дэвшүүлсэн хүмүүст нь дарамт шахалт ирэх гээд байдаг. Үнэнийг хэлэхэд шүүр ажиллагаа өнөөдөр эзнээ олохгүй байна. Энэ асуудлуудаар АТГ-т хандана " гэв.