Өнөөдөр баруун болон төвийн аймгуудын нутгийн хойд хэсгээр нойтон цас орж цасан шуурга шуурч, нутгийн өмнөд хэсгээр хүчтэй салхи, шороон шуургатай байхыг анхааруулж байна.

Иймд орон нутгийн замд үзэгдэх орчин хязгаарлагдах, авто замын зорчих хэсэгт шар ус урсах, шөнөдөө мөстөж халтиргаа гулгаа үүсэх эрсдэлтэй байх тул орон нутагт зорчиж буй иргэд, тээврийн жолооч нар техникийн бэлэн байдлыг хангах, замын нөхцөл байдалд тохирсон хурдыг сонгох, онцын шаардлагагүй тохиолдолд холын замд зорчихгүй байхыг нийслэлийн Онцгой байдлын газраас сэрэмжлүүлж байна.