Америкийн Google корпораци хиймэл оюун ухааныг сурталчилгаа бүтээдэг болгож сургахаар зэхэж байгаа гэнэ. Ингэснээр Google компани томоохон маркетинг агентлагуудтай өрсөлдөхөөр төлөвлөж байгаа гэж Google корпорацийн дотоод эх сурвалжаас авсан мэдээлэлтэйгээр Financial Times сонин мэдээлсэн байна. 

Эх сурвалжийн мэдээлснээр, компанийн боловсруулж буй  алгоритм нь реклам захиалагчдаас өгсөн зураг, дүрс, текстүүдийг боловсруулах аж. Хиймэл оюун ухаан эдгээрийг нийлүүлж, зорилтот бүлэг, сурталчилгааны компанийн үзүүлэлтүүдийг харгалзан бүтээсэн бэлэн сурталчилгааг танилцуулах юм байна. 

Google компани хиймэл оюун ухаан нь  маркетингийн агентлагуудын адилаар цогц сурталчилгааны бүтээгдэхүүн боловсруулж чадна гэж тооцоолж байгаа талаар эх сурвалж онцолжээ. 

Г.Бямбасүрэн