Өнгөрсөн оны аравдугаар сард Чингис хаан музей нээлтээ хийсэн.  Чингис хаан Үндэсний музей нь 22500 м2 талбайтай, 10200 м2 талбай бүхий монголын анхны төрт улсууд, Монголын Их Эзэнт Улс, түүний бүрэлдэхүүний улсууд, XV-ХХ зууны үеийн Монголын хаад язгууртнууд, Дэлхий дахин ба Монголчууд, Их хааны хүндэтгэлийн өргөө зэрэг байнгын үзүүллэгийн нийт 6 танхим, түр үзэсгэлэнгийн 2 танхимтай юм. 

Тэгвэл тус музей ЕСӨН тэрбум төгрөгөөр тавилга, тоног төхөөрөмж худалдан авахаар болсон байна. Улсын төсвийн хөрөнгөөр хийгдэх энэхүү ажлын эхний тендер зарлагдсан байна. Эхний удаад ХОЁР тэрбум 945 сая төгрөгөө Аюулгүй байдал, үйлчилгээний тоног төхөөрөмж,  Анхан шатны эрүүл мэндийн тусламжийн тоног төхөөрөмж,  Үзүүллэг дэглэлтийн мэргэжлийн тоног төхөөрөмж,  Үзмэр хадгалж хамгаалах тоног төхөөрөмж, үйлчилгээний тавилга, эд хогшил  худалдан авах юм.