Өнгөрсөн долоо хоногт эхэлсэн, төрийн эрх мэдлийн төлөөх хүчний байгууллагуудын хоорондын мөргөлдөөн энгийн иргэдийн амь насыг хохироосоор байна. Тусгайгийнхан (RSF) болон Засгийн газрын хүчнийхнийг мөргөлдөөнөө зогсоож, хэлэлцээрийн ширээний ард суухыг олон улсын зүгээс уриалж байгаа ч аль ч тал бууж өгөх бодолгүй байгаа аж. 

Сүүлийн үеийн мэдээллээр, энэ мөргөлдөөний улмаас 600 гаруй хүн амиа алдсан байна. Түүнчлэн байлдааны ажиллагааны улмаас Хартум хот дахь 125 эмнэлэг үйл ажиллагаа явуулах боломжгүй болсон аж. 

RSF болон засгийн газрын цэргүүд хоорондын мөргөлдөөн дөрөвдүгээр сарын 15-ны өдөр эхэлсэн юм. Энэ нь тус улсад эрх мэдлийг гартаа авах гэсэн тэмцэл гэж шинжээчид үзэж байгаа бөгөөд Суданы шилжилтийн засгийн газар өнөөгийн мөргөлдөөнд тусгайгийнхан буюу RSF-ийг буруутгаж байгаа аж. 

Г.Бямбасүрэн