Арми болон тусгайгийн хооронд зэвсэгт мөргөлдөөн өрнөж буй Суданаас иргэдээ нүүлгэн шилжүүлэх ажилд бэлтгэхийн тулд Япон улс Жибути руу цэргийн тээврийн онгоц илгээхээр болжээ. Энэ талаар Японы Батлан хамгаалахын яам пүрэв гарагт мэдэгдсэнийг Kyodo дамжуулсан байна. 

Сайд нарын танхимын ерөнхий нарийн бичгийн дарга Хироказу Мацуногийн мэдэгдсэнээр, Суданаас Японы 60 орчим иргэнийг нүүлгэн шилжүүлэх шаардлагатай байгаа аж. Эдгээр хүмүүс нь Японы Элчин сайдын яам, Японы олон улсын хамтын ажиллагааны агентлагийн ажилтнууд болон тэдний гэр бүлийнхэн юм байна. Судан дахь Япон иргэд гэмтэж бэртээгүй ч хүнс, усны хомстолд орсон гэж Японы эрх баригчид мэдэгджээ.

Эргэн сануулахад, өнгөрсөн долоо хоногийн сүүлээр армийнхан болон тусгайгийнхны хооронд мөргөлдөөн гарсны улмаас 200 гаруй хүн амиа алдаж, 1800 гаруй хүн гэмтэж бэртсэн. Олон улсын зүгээс талуудыг  гал зогсоох, хэлэлцээ хийхийг уриалж байгаа ч байлдааны ажиллагаа үргэлжилсээр байгаа юм.

Г.Бямбасүрэн.