АНУ-ын Ерөнхийлөгч Жо Байден 2022 онд олсон, гэр бүлийнхээ орлогын тайланг мэдүүлжээ. Ерөнхийлөгч болон тэргүүн хатагтай Жилл Байден нар гэр бүлийнхээ орлогын татварын тайланг нийтэлсэн талаар NBC мэдээлсэн байна.

Өнгөрсөн жилд Америкийн тэргүүний гэр бүл 579,5 мянган доллар буюу монгол мөнгөөр хоёр тэрбум гаруй төгрөгтэй тэнцэх орлого олжээ. Үүнээс 170 мянга буюу 595 сая орчим төгрөгтэй тэнцэх хэмжээний мөнгийг татварт өгсөн байна.

Мөн 20 гаруй буяны байгууллагад нийт 20 мянган долларын хандив өгчээ. Энэ Жо болон Жилл Байдены өнгөрсөн жилийн орлогын 35 хувийг эзлэж байгаа юм. Хамгийн их буюу 5000 долларын хандивыг Бо Байдены санд өгсөн байна. Энэ сан хүүхдүүдийг хүчирхийллээс хамгаалахад чиглэгдсэн бөгөөд Байдены нас барсан хүүгийн дурсгалд зориулан байгуулагдсан аж. Байдены хүү Бо Байден 2015 онд 46 насандаа тархины хавдрын улмаас нас барсан юм. 

Г.Бямбасүрэн