Суданы арми болон тусгайгийнхны зэвсэгт мөргөлдөөний улмаас тус улсын 59 эмнэлгийн 39 нь үйл ажиллагаагаа зогсоожээ. Энэ талаар Суданы Эмч нарын хороо мэдэгдсэн байна. 

"2023 оны дөрөвдүгээр сарын 18-ны байдлаар үндсэн 59 эмнэлгийн 39 нь үйл ажиллагаагаа зогсоолоо" хэмээн Суданы Эмч нарын хороо Фейсбүүк хуудсандаа бичжээ. 

Энэ улсад өнгөрсөн долоо хоногоос тусгайгийнхан болон армийн хооронд зэвсэгт мөргөлдөөн болж байгаа юм. Арми тусгай хүчнийг татан буулгаж, армид нэгтгэхээр төлөвлөсөн нь ийм мөргөлдөөн гарах шалтгаан болсон байна. Талууд зэвсэгт мөргөлдөөн эхлүүлснээр нийтдээ 270 энгийн иргэн амиа алдаж, 2,6 маянган хүн шархаджээ. Амиа алдсан болон шархадсан хүмүүсийн дунд гадаадын иргэд, НҮБ-ын Хүнсний хөтөлбөрийн гурван ажилтан багтаж байгаа аж. 

Г.Бямбасүрэн