Улаанбаатар хотын автозамын түгжрэлийг бууруулах нэгдсэн төслийн нэгжийн захирал Ч.Батзориг нийслэлчүүдийг хүртэх ёстойгоо хүртэж байгаа хэмээн тавлав. Тэрбээр твиттер хуудсанаа утаа саагисан, хуучирч муудсан автобусны зургийг "Ийм нийтийн тээвэртэй байгаа нь иргэд "хүртэх ёстой"-гоо л хүртэж байгаа шдээ" гэсэн тайлбартайгаар оруулжээ.

Улаанбаатарчууд хангалттай олон жил Ч.Батзориг даргын хэлснээр хүртэх ёстойгоо хүртсэн. Стандартын шаардлага хангахгүй нийтийн тээврээр түгжрэлтэй зам дээр олон жил "мөлхсөн". Гэхдээ энэ бүхнийг шийдэхээр даргын суудалд суусан хүн иргэдийг хохироож, хүртэх ёстойгоо хүртсэн хэмээн тавлах нь хэр зохимжтой вэ?!

Даргын суудалд суусан л бол хэмжээлэшгүй эрх эдэлсэн мэт дээрээс өнгийж, иргэдийг дуртай үгээрээ доромжилж, тавлах нь таны ёсзүй, мораль юм уу, Ч.Батзориг дарга аа?!

Б.Хэрлэн