Байгаль орчин, хүнс, хөдөө аж ахуйн байнгын хорооны өнөөдрийн хуралдаанаар “Тэрбум мод” үндэсний хөдөлгөөний хэрэгжилт, Улаанбаатар хотын ногоон байгууламжийн өнөөгийн байдлын талаарх Байгаль орчин, аялал жуулчлалын сайд, Нийслэлийн Засаг дарга бөгөөд Улаанбаатар хотын захирагчийн мэдээлэл сонслоо. 

Энэ УИХ-ын гишүүн Б.Саранчимэг "БЗД-ын 26 дугаар хорооны Засаг даргаас иргэдийн гарын үсэгтэй гомдол ирүүлсэн. Энэ гомдлын дагуу Үндэсний цэцэрлэгт хүрээлэнд газар дээр нь очиж ажилласан. Ямар сонгон шалгаруулалтаар  KFC Land-ыг сонгосон бэ?  Үндэсний цэцэрлэгт хүрээлэнд KFC Land байгуулах зөвшөөрлийг хэн олгосон бэ? Газар дээр очиход Үндэсний цэцэрлэгт хүрээлэнд 81 ТҮЦ байна. Хотын өнгө үзэмж, Үндэсний цэцэрлэгт хүрээлэнгийн концепц эвдэгдсэн байна. Аливаа ажил төлөвлөлтийн дагуу хийгдэх ёстой. Ногоон байгууламж, зүлгээ устгаад машин механизм оруулчихсан. Яагаад заавал ногоон байгууламжтай хэсэгтэй газар олгосон юм бэ?" гэсэн асуултад албаны хүмүүсээс тайлбар авлаа. 

Үүнд Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөөмөө "Энэ асуудлаар шүүмжлэл өрнөж байна. Цаашид энэ төрлийн төсөл хэрэгжүүлэхдээ иргэдэд нээлттэйгээр төслөө танилцуулж, сонгон шалгуурлалт явуулдаг болох шаардлагатай болж байна. Том сургамж боллоо" гэлээ.