Энхтайваны гүүрний дор дулаан шугам задарсан тухай бид өмнө нь мэдээлсэн. Тус шугам энэ сарын 12-ны өдөр задарсан бөгөөд тухайн шөнө нь засварлаж, хэвийн болгожээ. 2002 онд ашиглалтад орсон энэ шугам таван жилийн өмнө бас задарч байсан аж. 

Улаанбаатар хотын орон сууцнуудын дунд 1220 км шугам сүлжээ бий. Мөн дулааны 378 км шугам сүлжээтэй. Энэ шугам сүлжээнүүдийн 60 хувийнх нь ашиглалтын хугацаа дуусч, Улаанбаатар хотын инженерийн шугам сүлжээний нөхцөл хүндэрчээ.

Ирэх 2024 оны өвөлжилтийн бэлтгэл ажлыг хангах хүрээнд энэ жил 27.1 км дулааны шугам сүлжээг шинэчлэх аж. МУБИС-СУИС-Цэцэг төв гэсэн тойргийн шугам сүлжээг иж бүрэн солино. Мөн Төв номын сан-МУБИС, III, IV хорооллын эцэст шугам сүлжээ шинэчлэх ажил хийгдэхээр болжээ.