Москвагийн видео ажиглалтын системийг цэрэгт татагдах иргэдийн оршин байгаа газрыг олоход ашиглаж байгаа гэж Москвагийн цэргийн комиссар Максим Локтев мэдэгдсэнийг Коммерсант дамжуулжээ. 

Түүний өгүүлснээр, бүртгүүлсэн хаяг дээрээ оршин суухгүй байгаагийн улмаас москвачуудад зарлан дуудах хуудас өгч чадахгүй байгаа гэнэ. Тиймээс цэрэг татлагыг зохион байгуулахад ажиглалтын камерын систем ашиглаж байгаа аж. 

Гэхдээ жилээс жилд цэргийн албанаас зугтагсдын тоо буурч байгаа гэж Локтев онцолжээ. Энэ нь цэргийн албанаас зайлсхийвэл хүлээлгэх хариуцлагын талаар иргэдэд сайтар ойлгуулсантай холбоотойн дээр "цэргийн насныхныг олж илрүүлэх ажлын ачаар хүмүүс зугтах аргагүй болсон" гэж Москвагийн цэргийн комиссар өгүүлсэн байна.

Г.Бямбасүрэн