Тайвань Америкийн Боинг компаниас хөлөг онгоц эсэргүүцэх 400 пуужин худалдан авах гэрээ байгуулжээ. Энэ талаар Америк, Тайванийн ажил хэргийн зөвлөлийн тэргүүн Руперт Хаммонд-Чемберс мэдээлснийг Блүмберг дамжуулсан байна. 

Эх сурвалжийн мэдээлснээр, хөлөг онгоцонд суурилуулах биш харин газрын пуужин худалдан авах гэнэ. Пентагон дөрөвдүгээр сарын долооны өдөр л 1,7 тэрбумын гэрээ хийсэн талаараа мэдээлж байсан ч худалдан авагчийнхаа талаар зарлаагүй юм. Энэ худалдан авалтаар  2020 онд АНУ-ын Конгресс дэмжсэн хэлэлцээр өндөрлөж байгаа юм. 

Тухайн үед Төрийн департамент Тайваньд 2,4 тэрбум долларын үнэ бүхий Harpoon пуужинг худалдахыг дэмжсэн. АНУ, Хятадын хооронд харилцаа хурцадсан үед гэрээг байгуулсан нь дэлхий нийтийн анхаарлыг татаж байлаа. Хэвлэлүүдийн мэдээлснээр, БНХАУ довтолсон тохиолдолд энэ довтолгоонд хариу өгөх зорилгоор ийм пуужинг Тайвань авахаар болжээ. 

Г.Бямбасүрэн