БНХАУ-ын Батлан хамгаалахын сайд Ли Шанфу Орост айлчиллаа. Тэрбээр айлчлалынхаа үеэр Оросын Ерөнхийлөгч Владимир Путинтэй уулзсан гэж ТАСС агентлаг мэдээлжээ.Уулзалтын үеэр БНХАУ-ын Төрийн зөвлөлийн гишүүн, Батлан. хамгаалахын сайд Ши Шанфу Орос, Хятадын харилцаа сүүлийн үед сайжирсан гэдгийг онцолсон байна. 

"Манай хоёр орон бат бэх харилцаатай. Энэ харилцаа өдрөөс өдөрт бэхжиж байна. Үүнд хоёр орны төрийн тэргүүний дипломат ажиллагаа гол үүрэг гүйцэтгэж байгаа юм. БНХАУ-ын тэргүүнтэй та нөхөрлөж байгаа нь үүнд томоохон үүрэг гүйцэтгэж байна" хэмээн Ли Шанфу мэдэгджээ.

Түүнчлэн тэрбээр анхны гадаад айлчлалаараа Оросыг сонгох болсон шалтгаанаа тайлбарласан байна. 

"БНХАУ-ын Батлан хамгаалахын сайдын албан тушаал дээр анхны гадаад айлчлалаа хийхдээ Оросыг сонгосон нь санаандгүй хэрэг биш. Энэ айлчлалаараа би Орос, БНХАУ-ын хоорондын харилцааны онцгой шинж чанар, стратегийн ач холбогдлыг онцлохыг хүссэн" хэмээн Ли Шанфу мэдэгджээ. 

Ли Шанфутай уулзсан дүнгээрээ Владимир Путин мэдэгдэл хийхдээ Орос, Хятадын цэргийн салбарын хамтын ажиллагаа нь хоёр орны харилцааг бэхжүүлж байгааг онцолсон байна. Мөн хоёр тал цэргийн байгууллагуудын шугамаар үр дүнтэй мэдээллүүд солилцож, цэргийн сургуулилалт хамтран зохион байгуулдгийг онцолжээ.

Г.Бямбасүрэн