Өнгөрсөн 2022 онд дэлхийн 182 улсад улаанбурхан өвчний 172 000 тохиолдол бүртгэгджээ.  Энэ нь өмнөх оноос гурав дахин өндөр үзүүлэлт аж.

Өнөөдрийн байдлаар 100 гаруй улсад улаанбурхан өвчний 22 000 гаруй тохиолдол бүртгэгдээд байна. Энэтхэг, Индонез, Филиппин, Хятад, ОХУ-д улаанбурханы тохиолдол бүртгэгдэж байна.

Олон улс болон хөрш орнуудад улаанбурхан өвчин дэгдсэнтэй холбогдуулан манай улс эрсдэлийн үнэлгээ хийсэн байна. Одоогоор манай улсад улаанбурхан бүртгэгдээгүй байгаа ч эрсдэлтэй гэсэн дүгнэлт гарсан байна. Эрсдэлийн үнэлгээний дүгнэлтийг аймгуудад танилцуулж, ЭМЯ, ХӨСҮТ-өөс тодохой чиглэлүүдийг өгснийг ХӨСҮТ-ийн захирал Ц.Билэгсайхан мэдээллээ. 

Манай улсад 1992, 1995, 2000-2002, 2015-2016 онд улаанбурханы дэгдэлд бүртгэгдэж байжээ. Манай улс 1973 оноос эхлэн улаанбурханы эсрэг вакциныг хийж эхэлсэн байна. Бага насны хүүхдүүдэд товлолт вакциныг хийлгэж байх нь нэн чухал байгааг ХӨСҮТ-өөс зөвлөж байна.