"Хөвсгөл нутгаа дүүжлүүрийн олсноос аваръя" сэдвээр Хөвсгөл аймаг дахь “Шударга иргэдийн нэгдэл” ТББ, Тусгаар тогтнол хөдөлгөөний нэгдэл, “Бэлтэс мөрөн” компанийн хохирогчдын зөвлөлөөс мэдээлэл хийлээ. 

Хохирогч: 2500 гаруй иргэд түүний цаана байгаа хамаарал бүхий 25 мянган хүний эрх ашиг энэ асуудалд яригдаж байна. Энэхүү процесс болоод бүтэн жил шүүх цагдаагаар явж байна. Одоогоор шүүх эхлэх процессонд ирсэн хэдий ч хаана хянан шийдвэрлэх хугацаа нь тодохой бус байсаар байна. 

Нийт хохирогчид 46 орчим тэрбум төгрөгөөр хохирсон байна. Нийт хохирлын хэмжээ 46 орчим тэрбум төгрөг. Бидний хохирлыг 100 хувь нөхөн төлүүлэхэд шүүх, прокурорын байгууллага хариуцлагатай хандаасай гэж хүсэж байна. 

Эдийн засагч Д.Бямбаа: Хөвсгөл аймгийн Чингүнжавын талбайд иргэд гэр барин тав дахь хоногтоо тэмцэж байна. 

Бид есдүгээр сард өргөдөл гомдол төр засгийн өндөрлөг, АТГ, цагдаад өгсөн. Зарим төрийн байгууллагуудаас хариу ирсэн. Гэхдээ эргэлзээ төрөх хариу гарч ирсэн. Тиймээс 40 гаруй хүн ирсэн. Нутгаасаа сонгогдсон гишүүдтэй уулзаж, нөхцөл байдлыг танилцуулна. Хэргийг шалгаж байгааг сонсоход хэд хэдэн зүйл анхаарал татлаа. Хохирол сүүлийн нэг, хоёр сард болсон байна. 2022 оны нэгдүгээр сарын 24-ний өдөр Эрүүгийн хуулийн дагуу хэрэг бүртгэл нээсэн байдаг юм байна. Энэ өдрөөс хойш аймгийн мөрдөн байцаах албанд өгсөн. Түүнийг ахалсан хүн ямар нэг үйл ажиллагаа явуулаагүй гурван сар байлгасан. Энэ хугацаанд шалгалт оруулсан, зүгээр гэж хэлсэн. Гэтэл залиланг төрийн албан тушаалтнууд дэвэргэсэн байна.

Асар их мөнгө, эрх ашиг байгаа учраас би гарч ирээд ярьж байгаадаа айж байна. Ноцтой асуудлын тухайд хавтаст хэрэг нээгээд хэвийн байна гэж мэдэгдсэнээс хойш бүх хоригийг авсан байна. Ах дүүстэйгээ нийлээд 500 саяар хохирсон хүн байна. Тиймээс цагдаагийн албан хаагчид "Бэлтэс мөрөнгийнхөнтэй" хуйвалдсан гэж бодож байна. Монгол төр, УИХ-ын түвшинд энэ асуудлыг хяналтдаа аваач гэж шаардаж байна.  Мөн энэ асуудлаар Улсын Дээд шүүхэд шаардлага хүргүүлсэн. Ерөнхий сайдад өгсөн шаардлагын хариуг авах хүртлээ явна" гэсэн юм.