Хятадын. Сычуань мужид байгаль орчинд ээлттэй ханддаг хүмүүст зориулсан био жорлон байгуулжээ. Энэ талаар Жэнминь Жибао сонин мэдээлсэн байна. 

Эх сурвалжийн мэдээлснээр, био жорлонги Сычуань мужийн Жэдо уул руу гарах аялагчдад зориулан байгуулжээ. Жуулчид энэ бие засах газраар үйлчлүүлэхийн тулд тусгай хэсэг рүү хуванцар хаяндал хийх ёстой гэнэ. Хуванцарын хаягдал хийсний дараа автомат машинаас зоос өгөх бөгөөд энэ зоосыг хийн бие засах газар руу орох аж. 

Энэ төслийг Green River төрийн бус байгууллага хэрэгжүүлж байгаа бөгөөд  Сычуань мужийн байгаль орчныг хамгаалах зорилготой юм байна. Сычуаний уул толгод руу аялагчид ихээр ирдэг, үүнийг дагаад хог хаягдал, экологийн бохирдол хүндрэлтэй асуудал болсон тул төрийн бус  байгууллагынхан ийм аргыг сэдсэн аж. 

Г.Бямбасүрэн