Жолооч 4-5 цаг эсвэл түүнээс бага цагаар унтвал зам дээр осол гаргах магадлал нь жолооны ард согтуу суусантай ижил байдаг аж. Ийм дүгнэлтийг Австралийн Төв Квинслендийн их сургуулийн эрдэмтэд гаргажээ.
Эрдэмтдийн онцолсноор, согтууруулах ундаа хэрэглэсэн үед жолоочийг зогсоож, арга хэмжээ аван, цааш хөдөлгөөнд оролцох боломжгүй болгодог бол ядарч сульдсаныг илрүүлэх боломжгүй байдаг, тиймээс ч ослын тоо буурахгүй байгаа аж. Эрдэмтдийн тооцоолсноор, нийт авто ослын 20 хувь жолооч ядарснаас үүдэлтэй байдаг гэнэ.
Төв Квинслендийн их сургуулийн эрдэмтэд төрөл бүрийн судалгаа хийгээд, 4-5 цагаас бага унтах нь 100 грамм архи уугаад машин барьсантай ижил нөлөөтэй гэсэн дүгнэлтэд хүрчээ. "Хоногт 6-7 цаг унтсан хүн найм болон түүнээс дээш цагаар унтаж сайн амарсан жолоочтой харьцуулахад осол гаргах эрсдэл нь 30 хувиар илүү байдаг. Харин 4-5 цаг унтсаны дараа жолоодох чадвар эрс буурч, осол гаргах магадлал нь сайн амарсан хүмүүстэй харьцуулахад хоёр дахин нэмэгддэг" гэж эрдэмтэд дүгнэжээ.
Энэ судалгаан дээр үндэслэн жолоо барихын өмнө хичнээн цаг унтсан байхыг заасан журмыг тогтоох хэрэгтэй гэж эрдэмтэд мэдэгдсэн байна. Ээлжийн ажил зэрэг нойр, амралтад нөлөөлдөг хүчин зүйл олон байдаг тул хоногт хамгийн багадаа 4-5 цаг унтах ёстойг хуульчлах шаардлагатай гэж эрдэмтэд үзжээ.
Г.Бямбасүрэн
| Уншиж байна |